Meester van jou Lewe

Op die familieplaas Patria, in die Suid-Vrystaat, was Elmarie van Aswegen, as sesde geslag skaapboer, besig met baanbrekerswerk om ’n melkskaapkudde te vestig en kaas van die skaapmelk te maak toe haar wêreld in duie stort. Sy het feitlik alles wat na aan haar hart was, verloor en deur diep beproewing gegaan – ’n ervaring wat slegs as Die Donker Nag van die Siel beskryf kan word. As skaapboer wat na aan die natuur geleef het, het sy ’n byna magiese verhouding met die jakkalse op die plaas gehad.

Selfs nadat sy die boerdery ontbind het, het hierdie verhouding met die jakkalse voortgeduur deurdat hulle vir haar die rigting aandui op haar nuwe lewenspad. Dit is hierdie simboliese reis van verlies, insig en transformasie wat sy in Meester van jou Lewe deel. Die boek ondersoek die diepgaande onderliggende verbinding tussen elke aspek van ons menslike bestaan – van ons innerlike wêreld tot ons verhouding met die natuur, ons voedselkeuses en gesondheid.

In Meester van jou Lewe verduidelik Elmarie van Aswegen hoe geestelike en biologiese intelligensie die sleutels tot blywende transformasie en leefstylveranderinge is. Deur ’n kombinasie van memoir en praktiese riglyne wys sy hoe selfkennis, geestelike en emosionele insigte, en ’n plantgebaseerde volvoedsel leefstyl saamwerk om ’n gesonde en bewuste leefstyl te bevorder. Hierdie geïntegreerde benadering lei tot ’n dramatiese verbetering van lewenskwaliteit en egtheid – iets wat noodsaaklik is in ’n era waar kunsmatigheid en kunsmatige intelligensie dreig om ons te oorweldig.

Met ’n fokus op praktiese transformasie, bied Meester van jou Lewe konkrete maniere om:

• Die innerlike dimensies van jou wese te verstaan en jou eie innerlike goddelikheid te ontsluit.
• ’n Volvoedsel, plantgebaseerde dieet te volg wat nie net siektes soos diabetes, kanker en hartsiektes kan genees nie, maar ook emosionele welstand bevorder.
• Jou lewe te transformeer van slagoffer na meester van jou eie lot deur bewussyn en aksie.

Deur hierdie lewenswyse aan te neem, genees ons nie net onsself nie, maar red ons ook die lewens van diere en bevorder die gesondheid van die planeet. Vir diegene wat geestelike groei en fisiese gesondheid najaag, kombineer hierdie boek buitengewone konsepte en idees om buitengewone transformasie moontlik te maak. Soos Gandhi gesê het: ‘Wees die verandering wat jy in die wêreld wil sien.’ Hierdie boek wys jou hoe.

* * *

Kyk Binne Meester van jou Lewe

Meester Van Jou Lewe Look Inside